Sino Si-Kat?

Una sa lahat, sawang-sawa na ako sa kaka-Ingles sa lahat ng blogs na aking ginagawa. Naisip ko, hindi naman
ako Amerikano bakit kailangan kong gamitin ang salita nila. Sa dinami-dami ng blogs na aking nagawa, ito ang pinaka-unang nasa wikang Pilipino.

Sino si Kat? Wala lang..haha.. Si Kat ay isang pangkariniwang Pilipina, may pagka-madaldal, may topak at sige na nga "friendly". Sa aking tingin, okay naman ako eh..medyo nakulangan lang yata ang social skills ko kaya sa mga blogs ko sinusulat lahat. Wala akong gaanung kaibigan, ang meron lang ay pamilya at isang lalaking nagtiya-tiyaga sa akin (OO!! akalain mong may gustong tumanda kasama ako at pagtiyagaan ang ugali ko-wag ka na mag-react kahit ako ay di makapaniwala). Ganun pa man, nagpapasalamat ako at hindi nagsasawa ang lalaking 'to sa akin.

Sino si Kat? Si Kat ay isang pangkarinawang Pilipina na iniidolo ang mga salitang galing sa mga libro ni Bob Ong. Noong umpisa hindi ko kilala si BO, nababasa ko lang sa facebook at mga quotes ang pangalan nya, so akala ko pangkarinawang tao lang siya. Nung inengganyo ako ng aking bf na magbasa ng libro niya, nahulog ako..(hindi kay Bob Ong) kundi sa upuan sa kakatawa sa contents ng libro niya. May sense lahat ng sinasabi niya kahit medyo natatapakan ang dignidad ng mga Pilipino sa mga salitang nagamit, hindi naman natin maikakailang totoo ang lahat ng ito. (To Bob Ong: free promotion 'to sir)

Madami man akong nasabi tungkol sa aking sarili, kulang pa 'yan. Ang aking mga nasabi ay ang alam kong pagkakakilala ko sa aking pagkatao.Hindi ko naman alam kung ano ang pananaw sa akin ng ibang tao pero ito ikukwento ko na rin ang ilan sa aking mga narinig tungkol sa akin.

Sino si Kat sa pananaw ng iba? Si Kat ay "mabait" DAW ayon sa ilang matatandang nakakakilala sa akin. Hindi ko alam kung bakit ako natawag na mabait dahil ang alam ko may pagkamaldita talaga ako, pero hayaan mo na 'yon ang sabi nila eh(PAKIPOT lang). Si Kat ay "mataray". Isa pa 'to, nung high school madami naman akong kaibigan na babae kaso madami din naiinis sa akin na babae, hindi ko alam kung bakit dahil iilan lang naman ang aking kinakausap..insecure ata sa beauty ko -nakangiting patago-. Madami akong babaeng kaibigan ngunit nabibilang ko lang ang mga lalake kong kaibigan. Isang araw, may naglakas loob na binatang lumapit sa 'kin..nakipag-ibigan (gusto niya yung isa sa mga bestfriend ko, tulungan ko daw siya). Bagsak ang beauty ko nuon, akala ko pa man din interesado sa akin, pero okay lang atleast may bago akong kaibigan na lalake. Natanung ko sa kanya kung bakit parang takot sa akin yung mga ibang lalaki sa school, sabi lang niya mukha daw talaga akong snob o mataray..yung tipong "Hi" lang daw sa akin, patay na sila sa taas ng kilay ko. Dahil duon, sinubukan kong mag-ayos para mas mukhang friendly pero iba naman na ang naging trato sa akin ng iba.So, sino si Kat sa pananaw ng iba? Ang naging resulta ng aking pag-aayos sa sarili..Si kat ay "malandi", tumpak..tama ang guess mo.

Hindi ko alam kung ano na si Kat ngayon, basta lahat ng nabanggit ko na pagkaka-describe ko sa sarili ko ay totoo. Masyado yata ako naapektuhan sa mga sinasabi ng iba tungkol sa akin kaya inisolate ko na lang sarili ko. Si Kat ngayon..may sariling mundo kasama bf nya..walang ibang kaibigan kundi bf at pamilya niya..walang ibang makausap kundi bf at pamilya niya. Pagtiyagaan niyo na lang mga blog ko at kailangan ko lang talaga ng ibang makakausap. Kung hindi siguro naimbento itong "blogging", malamang si Kat nasa mental institution na.